လူမှုကွန်ရက်ပေါ်မှ ဓာတ်ဆီလောင်းကြသူများ

တစ်ခါတရံ လူမှုကွန်ရက်တွင် မြင်ရ ကြားရ သော သတင်း အချက်အလက်များသည် ပကတိ အခြေအနေထက် ပိုလွန်းနေတတ်သည်။ အထင် အမြင်လွဲမှားစေရန် ရည်ရွယ်ချက်ရှိရှိ လှည့်ရေး ထားတတ်သည်။ ရိုးရိုးလေး ဖြစ်တတ်သော ကိစ္စရပ်များသည် ပင်လျှင် လူမှုကွန်ရက်ပေါ်မှ ဓာတ်ဆီ လောင်းကြသူများကြောင့် ကြီးကြီးကျယ်ကျယ်နှင့် နေ့ချင်း ညချင်း နိုင်ငံတော် သစ္စာဖောက်မှုကဲ့သို့ ပြောင်းလဲသွားနိုင်သည်။ 

ပြီးခဲ့သည့် စက်တင်ဘာလ (၁၉) ရက်နေ့က ပုသိမ်မြို့တွင် နိုင်ငံကျော် အဖြစ်အပျက် တစ်ခု ဖြစ်ပွားခဲ့သည်။ နိုင်ငံတော် အတိုင်ပင်ခံ မိန့်ခွန်းကို LED Board ဖြင့် ပြသနေသည့် အချိန် ဓာတ်အား ပြတ်တောက်မှု ဖြစ်ပေါ်ခဲ့ခြင်း ဖြစ်သည်။ ထိုကိစ္စ နှင့် ပတ်သက်၍ လူမှုကွန်ရက်ပေါ်တွင် “မေမေ မိန့်ခွန်းပြောတဲ့ အချိန်မို့ တမင်လုပ်တာ” “ စောက် ကျင့် တွေက ယုတ်တုန်း” “မပြောင်းလဲသေးဘူး” စသဖြင့် မီးပျက်ခြင်းနှင့် ပတ်သက်၍ ခေါက်ရိုးကျိုး နေသောအမြင်များ ပေါ်လာတော့သည်။

မီဒီယာ အချို့က ထိုကိစ္စကို သတင်းလုပ်ရေး ခဲ့ကြပြီး ရေးသားခဲ့သော သတင်း ခေါင်းစဉ်များနှင့် သတင်း အရေးအသားများမှာလည်း တစ်ဖက်စောင်းနင်း နှင့် စာဖတ်သူကို လိုရာ ကျုံးသွင်းသွားသည့် သတင်း အရေးအသားများ ဖြစ်နေခဲ့သည်။ သတင်း ကို လူအများ စိတ်ဝင်စားအောင် သတင်း ခေါင်းစဉ် ပေးခြင်းမှာ ဖြစ်သင့်သည့် ကိစ္စ တစ်ခု ဖြစ်သော် လည်း သတင်းခေါင်းစဉ် ဖတ်ရုံနှင့် ဖြစ်စဉ် အမှန် ကို အသားမပေးတော့ဘဲ အသားများ တဆက်ဆက် တုန်စေနိုင်သည့် ဓာတ်ဆီလောင်းသည့် သတင်း အရေးအသားများမှာ စိတ်ပျက်ဖွယ်။

ပြည်နယ်/တိုင်း အားလုံးတွင် အရေးကြီး အခမ်းအနားများ၊ အစီအစဉ်များ ရှိပါကလျှပ်စစ် ဌာန သို့ ကြိုတင် ညှိနှိုင်း မေတ္တာရပ်ခံပြီး ဓာတ်အားပြတ် တောက်မှု မရှိစေရေး အလေးထား စီစဉ်ဆောင် ရွက်နိုင်ကြသည်။ ဌာနဘက်မှလည်း အရန်မီးစက် ဖြင့် ဖြစ်စေ၊ ဌာနမှ ၀န်ထမ်းများ ချ၍ ဖြစ်စေ သင့်တော်သလို ပြန်လည် စီစဉ်ပေးလေ့ရှိသည်။

ပုသိမ်မြို့တွင် ဖြစ်သွားခဲ့သော ဖြစ်စဉ်သည် ထိုကဲ့သို့ ကြိုတင်အသိပေး အကြောင်းကြား ထား ခြင်း မရှိခြင်း၊ ဓာတ်အားပြတ်တောက်မှုမှာလည်း ပုံမှန် လုပ်ငန်း ဆောင်ရွက်ခြင်းမှ ဖြစ်ပေါ်လာသော မတော်တဆမှုသာဖြစ်နေသည်။ စသော အကြောင်း အရာများကို အမှန်တရား ဘက်တော်သားဆိုသူတို့ က အလေးပေး ရေးသားခဲ့ခြင်းများ မတွေ့ရဘဲ ပွဲဆူစေသည့် အသုံးအနှုန်းများဖြင့် ရေးသားထား သော သတင်းများ၊ Status များသာ ပလူပျံခဲ့သည်။

ထိုနေ့ည ပြန်လွှင့်သည့် အစီအစဉ်တွင် ဌာနမှ ဓာတ်အား ပြတ်တောက်မှု မရှိစေရေး အရန် မီးစက်နှင့် အတူချထားပေးခဲ့သည်။ ဖြစ်စဉ်အစကို သတင်းလုပ် ရေးသားခဲ့သော မီဒီယာများ နောက် ဆက်တွဲ ဖြစ်စဉ်များကို သတင်းရေးသားဖို့ ပျက် ကွက်ခဲ့ကြသည်။ ထိုမှ တစ်ဖန် ဧရာဝတီ တိုင်းဒေသကြီး လျှပ်စစ်အင်ဂျင်နီယာနှင့် ပုသိမ် မြို့နယ် လျှပ်စစ်အင်ဂျင်နီယာတို့ ပြောင်းရွှေ့ခံရခြင်း ကို လည်း မီဒီယာများတွင် မဖော်ပြကြ။ ဤကား ဓာတ် ဆီလောင်းခြင်း၏ နောက်ဆက်တွဲ ဖြစ်ရပ်များပင် ဖြစ်တော့သည်။

အပြိုင်အဆိုင် ဓာတ်ဆီလောင်းမှုများကြောင့် ယခုကဲ့သို့ မတော်တဆ ဖြစ်ခဲ့သော ရိုးရှင်းသည့် ဖြစ်စဉ်သည်ပင် ကြီးမာသော နိုင်ငံတော် ကန့်လန့် တိုက်မှုသဖွယ် အရောင်ဆိုးခြင်း ခံလိုက်ရသည်။ ဓာတ်ဆီ လောင်းကြသူများနှင့် အိုဗာတင်း လုပ်တတ်သည့် ကျော်ဆန်ကွေးတို့ အတွဲ ညီလိုက်သော အခါ ရွှေဖော့ရိုးနှင့် တန်သည့် ကိစ္စရပ်သည်ပင် ဝါးရင်းတုတ်စာ ဖြစ်သွားတော့သည်။

လူမှုကွန်ရက်ပေါ်တွင် အပြိုင်အဆိုင်ဓာတ်ဆီ လောင်းကြခြင်းများ တစ်နေ့ထက် တစ်နေ့ ပိုပိုဖြစ် လာသည်။ ဥပဒေကြောင်းရ ထိန်းချုပ်ရန် မလွယ် ကူသည့် ကိစ္စရပ် ဖြစ်နေသည့် အတွက် တစ်ဦးချင်း တစ်ယောက်ချင်း၏ သိက္ခာနှင့် ကိုယ်ကျင့်တရား တို့ အပေါ်သာ မှီခိုနေသည်။ သို့ဖြစ်၍ ဓာတ်ဆီ လောင်း သော သတင်း အချက်အလက်များ၏ သားကောင်အဖြစ်မှ ရှောင်ရှားနိုင်ရန်မှာ တစ်ဦးချင်း စီ၏ အသိ၊ သတိ အပေါ်သာ မှီခိုနေသဖြင့် တွေးဆ သတိထား ဆင်ခြင်ကြပါစေလို့ အသိပေး နှိုးဆော် လိုက်ရပါ သည်။

အယ်ဒီတာ

(အောက်တိုဘာလ (၁) ရက်နေ့ထုတ် Morning E-Magazine No (1) , Issue (3) ၏ အယ်ဒီတာ့အာဘော်)
Powered by Blogger.